Lunario di Luglio di Tore Degrassi

Come di consueto il lunario di Luglio di Salvatore Degrassi:

Lugio

Se solto abasso
me rompo el brasso;
se solto el travo
me rompo el cavo;
c'un solto belo
rivo in batelo,
me lavo el viso
per 'nda in paradiso.
Vignì insieme cò me
in ziro per le strae,
cussì ve mostrarè
i màmuli a brigae,
che zoga soltussando
fra balauri e piasse,
che fa fracasso grando
co de e col ciamasse.
Cu zoga al made in tera
biocando le contrae
e cu zoga a la guera
dàndose batecae.
Qua soto 'sta casussa
xe quii che zoga a mussa,
là zo, stierai sui muri
xe quii che zoga ai duri,
e qua, in te la solana,
co' pete lisse e piate
xe quatro mamolate
che zoga a setemana.
Comò a la gno etàe Gravo xe incora élo,
xe incora un logo belo,
sia inverno opur istae.