Che Gera?

Tempo uggioso, un po di malinconia, tempo di poesia:

Che gera?

E gera un moto comò de vento
che cò i dii sui cavili
mola gropi de ricordi
che sbrissa sui oci verti.

e gera la piova
comò fondo de pitura pronto
a spenelà domande
su 'n anema ancora zovene

e gera 'na testa
comò scandagio soto al mar
pè sercà soto al leto
al destin desiderao

ma desso ze un cuor
disegnao col deo sul vero 'panao
e traverso i sovi signi
se veghe la vita de fora.