Al Boreto

Per concludere la triologia delle tre  B  che compongono il DNA Graisan vediamo nel video qui sotto Checo Spagon valentissimo pescatore descrivere a modo suo  come si prepara un "Boreto a la Graisana".



Per completare l' informazione sul "Boreto" vi propongo la storia di Piero Fiasca e del suo boreto de Masanete tratto da  "I veci dell' Isola" di Giovanni "Stiata", dove si capisce che non sempre il nostro gusto coincide con quello degli altri.

Fà al boreto ze un'arte.. e l'arte ze de i artisti e artisti no se deventa, se nasse .. e me modestamente son nato artista.. magari scalognao co 'na gamba dura.. ma artista de'l boreto.

Cussì quelle poche volte in stagion che se trateva de fa al boreto a la gradese   quela gera la mia granda giornada:

Al chef lo mandevo al bagno  e me finalmente, gero al paron de la cusina!

Chef de Cousine!

Mi raccomando- mi diceva al chef- pesce fresco e di qualità!

Che sia pese fresco de siguro, ma de qualità che significa…rombo, scarpene, bransin orada? e comò no:

Gno nona la feva al boreto de gui, de sievuli e anche co le anguele, ma gera sempre un boreto grandioso!

Mamolo mio- la me diseva- Al pesse deve esse fresco e basta!

No ze la qualità del pesse che fa un boreto, ma al modo giusto de pensalo, de lavoralo, de tendelo..de respiralo perfin.

Pesse fresco sempre, ma pe'l boreto al pese più spine che 'l ha e più gustoso al ze!

Al boreto de masanete che feva gno nona Filipa, gera una roba de perdese, un sogno in boca!

Ma un al pol di - Ma che ze de magnà de le masanete, scorsi e basta!

Alt zente, alt!

Ciucia quii scorsi e tocia la polenta su quel sugo, denso tachignoso e sintì al savor de sti gransi sul palato per me gera al paradiso in tera quel boretp, grassie a nona Filipa!

Cussì quel zorno, mandao a spasso al chef, he pensao sensa visà nissun de fa al boreto de masanete per duto l'Hotel, 140 ospiti:

Boreto della Nonna" he fato scrive sul menù, nissun, nissun saveva che vevo fato al boreto de masanete.

Sorpresa a tavola:  Boreto della Nonna"

A le nove de la sera, me gero za in magazin per tira fora le proviande del giorno dopo, quando sento:

Piero, Piero dove sei? fatti vedere!

Sigheva al chef, e co quel ze finia la mia cariera de aspirante chef.

In cusina gera al paron, al Metre d'Hotel man drio la schena che i me vardeva malamente, gera anche al chef, co la pignata in man che al me fa:

Pietro, di te non ci si può fidare mai! Ecco il tuo boreto della Nonna, quei orribili granchietti di palude, neanche un cliente, nessuno, l'ha voluto assaggiare! Tieni portatelo a casa!

Al me dise, consegnandome la pignata piena de boreto de masanete:

Al paron col muso longo al me fa:

Lei da questo momento è licenziato e ringrazi Dio che non le faccio pagare il danno d' immagine che lei ha provocato all' albergo, non si faccia vedere mai più!

Cussi, cussi ze finia la gno carriera de aspirante chef de coousine.

Tempo dopo, he letto su de un libro che:

Bisogna conoscere la storia millenaria, la cultura, le tradizioni, la parlata di questa Isola, per poter apprezzare il vivere e la cucina primitiva della sua gente!

Allora he capio che co tanta ignoransia storica in giro no podeva esse apressao al boreto de masanete di gno nona Filipa, ni da i tidischi ni da i milanisi.