El Vecio Davide-Strasser

Ancora un episodio di quella raccolta miracolosa di quotidianità graisana di un tempo che fu scritto dal punto di vista dei bambini da Massimiliano Cicogna "Massi Tachelo".

Le Gno do Scale

In questo quadretto descrive le astuzie che mettevano in atto i ragazzi per raggranellare i quattro soldi che dovevano servire a  comprarsi un pallone vero e smettere di usare la "bala de strassa".

El VECIO DAVIDE

Tra tanta zente che me hò cognossuo, el piu simpatico gera el vecio Davide.
El veva un magazin de strassier in via Fiume, e noltri ‘ndevemo sempre là a vénde.

Un giorno me 'i digo ai mamuli: «stè sinti, incuo 'ndemo duti drento, me vendo e voltri se impinì le scarsele de tochi de oton, de lime, de quel che catè. 
Cussi dopo ’ndemo a vénde là dela vecia Arminia (che gera un’oltra strassiera).

In quela volta i pagheva ben perchè ale industrie 'i ocoreva materie prime.
 Cò 'ndemo fora de Davide, vévemo le scarsele piene

e ’ndemo a vénde là de Arminia; duto contento ’i digo ala gno banda
 mamuli, se 'ndemo avanti cussi, al balon lo vemo svelti».

Per un pochi de giurni vemo fato 'sta vita qua, ma un giorno la vocia Arminia la sta mal, e noltri che femo?
Spetemo che passa do giurni e ’ndemo a vindili al vecio Davide la stessa roba che ’i veveno portao via.
Duto s’in momento el fa: «sta roba, no me ve l'hè compragia l’ oltro giorno?» 
e noltri: «ma no, sior Davide, la se sbaglia!». 
«Che me sbaglio, bruti musseri, 'desso ve dago me al sbaglio!».
 Noltri tachemo córe via, cussi vemo perso la pesada.
Ma una setemana dopo vévemo sintio dei più grandi che al vecio ’i piaseva tocà al cul ale mamole.
Alora me digo: «se elo fa ’ste robe qua, perchè noltri no mandemo le mamole a vénde?» «Bela idea», i dise in coro.

Tornemo in Savial e le catemo proprio che le zoga a la setemana,  Alora ’ndemo là e ’i disemo:
«stè sinti, mamole, voltre dovè ’ndà là del vecio Davide a vénde la roba che vemo catao gerì».
 Le mamole le dise de sì, i demo i sachi e le se avia.
 Noltri le seguimo a distansa, le va drento e elo el fa:
«oh che bele mamole, che volè?». 
«Semo vignue a vénde 'sta roba...»
 Noltri stevemo sula porta e vegheveno che el scuminsieva a fissale:
 duto s’un momento i cage i oci sule tete, doboto ’i viniva la bava,
in tun momento 'i mete la man sul cul a una mamola, quela se volta e 'i fica una sberla che no ve digo,
e la siga forte: «desso dène i soldi o vago dìli a so muger!». 
«No fige, 'desso ve li dago», el core tó i soldi che el veva in scanselo e ’i dise:
 «ve racomando, fige no ste dili a nissun».

Desso me digo: quel povero vecio el veva quel vissio, ma noltri géremo megio?