Le Beverie

Una bella poesia di Aldo Tognon, per un sabato di quiete.

“ Le beveríe “

Comò i fiuri de tapo

che ‘i spunta là in paluo

cussì ‘l istae a Gravo

fiurisse beveríe...

Vien fora tavulini,

carieghe e anche onbreluni,

tovagie e tovagiete

co’ sora le salviete.

No xe de cusinà,

opur xe mundi poco,

che basta do pestaci

o un per de tramezini.

Financo xe le ulive o

fetèle de salame,

co’ un toco de formagio

pe’ quii che ha mundi fame.

Xe ‘l vin e ’l “prosechino”

i re de ‘sta bubana

che ‘i score comò ‘l aqua

co’l ponto xe a dosana.

Turisti ’i se consola,

che ‘l beve ‘i piase assai

e cussì anche i graisani

che no ‘i lo môla mai.

Butiglie de ogni nome

e biceri senpre alsai,

tapi che svola in alto

comò fôssa corcai.

No sarà loghi santi

e gnanche opere pie...

comunque ‘viva Gravo

co’ le so’ beverie !!!