Al Balon de Massi Tachelo

Dopo piassa, i canpiuni de via Roma: 
Armando, Giannino, Ernesto, Gioi, Nico, Segni Vittorio, Stelio, Sergio, Giuliano, Tullio, Ovidio.

Da balia l'onnipresente Massi Tachelo.

un'oltro che descriveva Gravo vecio co' le sove poesie che al ne à lassao.
Desso creo che no ze nissun che al pol descriverlo, incuo Gravo nol ze piu vecio.

 il commento disegna il popolare     Massi "Tachelo" Cicogna .

Lui,  sempre circondato da stuoli di ragazzini cui voleva un mondo di bene descrive nel suo libro in dialetto gradese: 
    

"Le gno do scale" 

una Grado scomparsa che non ritornerà più se non nei nostri ricordi.

Descrive un mondo ormai scomparso da settantanni  con parole leggere, con le ali; parole che fanno nostalgia e hanno odori, suggestioni, rumori per chi ricorda quel piccolo mondo e diverte chi legge la realtà del tempo come storia passata.

Cose insomma che emozionano e fanno sorridere al medesimo tempo.
"Ciao Massi, continua a vardane de lassù"

Un altro episodio del suo libretto:

La squadra de balon

Sior Daniele al se veva messo in testa de fa una squadra de balon.

Un dopopranso geremo che zughevemo in Savial, el ne vien vissin e ‘l dise: ste sinti mamuli varavo intension de fa una squadra de balon.

Me i digo: no vemo ninte, comò podemo fa una squadra - ma elo ne risponde: no dovè preocupave per questo, penso me a duto.

Cussì un giorno sior Daniele n’ha tolto un balon novo e le scarpe de goma.

Cò se vemo visto rivà duto sto ben de Dio, vemo desmentegao al Taroto, al fero vecio e dute le oltre robe.

Duta la nostra atension la gera pel balon novo, perchè geremo la prima contrà che lo vevemo e duti voleva zugà contro de noltri e me no rivevo a tignime:  mamuli duti vol zugà contro de noltri perchè vemo al balon novo.

Faremo pagà do lire a testa e ‘ngrumaremo i soldi per comprasse le mage.

Si Massi, t’ha ragion-diseva sior Daniele- stasera zughè contro Piasseta, stè tinti che i ze forti, desso i ha messo più lampadine se veghe bastansa ben.

In quela sera pareva che Savial fossa in festa, la zente la se veva ‘ngrumao sui balauri, sior Daniele al deva urdini e duti i barcuni i gera serai.

Duti i feva un tifo indemoniao, me gero al capitano e gero duto contento: mamuli ste tinti che no dovemo perde si no sior Daniele che al ne disarà?-

Stemo tinti a Mario Peverin che al ze al più forte- sigheva Angelo.

Finia la partia, vevemo vinto cinque a quatro, i n’ha portao in trionfo.

Sior Daniele, duto contento, al n’ha dito: se stai bravi mamuli, e per premio ve comprarè le mage.

Noltri, che no vevemo mai visto mage vere, ne pareva de vive in un sogno-