Eh Mariute! Co un cussin La se ha sistemao

Riepilogando la giornata Napoleonica a Grado il 13 dicembre 1797 lasciamo Nenè Scarpenà (a la francese).

Nane Scarpena dopo i compliminti del General, i ha dito, descrivendo al piatto che i veva fato- Boreto e non Bouillabaisse- ma no son siguro che l' ebbia capio:

No solo 'l boreto ze un bon magnà, anche oltri piassiri al te fà, cussì canteva gno nono Elia:

"pevere...pevere... sal e aseo

'bondante agio.. agio brusao

... e de le femene in leto

tu sarà,

tu sarà cocolao!

De là un poco l' Attendente Dellemaigne al se fa capì col paron de casa che Napolion, col magneva ben, dopo, al veva bisogno de riposasse un' oreta, de fa un sonelin, insoma quel che a Gravo se dize " fà un posso".

La stanza dei ospiti la gera sempre pronta, ma per sicuressa, la parona la mandao a dai un' ociada la zovene "fatutto" che i veva in casa.

La storia de Mariute la continua, dopo l' incontro nell' alcova con Napolion Gran Imperator, i benefici effetti si fanno sentire nell' ambito familiare.

De dute le persone che ha visto NapoIiòn su la nostra Isola Maria-Bartolomea dita "Mariute de Monastèr" xe stao siguro la persona a Gravo che veva visto e veva cognossuro più de vissìn al General Napoliòn ...per via de quel cussln che 'i 'veva portao in camara.


 Per questo Mariute merita un epilogo in questa storia.
 Duc a puest..duc a puest i veva dito al Atendente vinindo fora de la camara de Napoliòn co gargossa in man.. e dopo via ela!.

.Si !..via ela

 Mariute la xe tornagia a 'Quilea ne la so casa de Monaster e a Gravo no la se ha fato più vèghe.-
So mare Marta co l'ha sabuo che Ia figia veva 'bandonao al lavor de Gravo a casa del Comandaòr del paese indola che oltra al magnà la vadagneva anche garghe soldo..la mare de la Mariute la xe cagiua ne la desperassiòn e I'ha tacao a pianze a pregà i santi ..a tignisse la testa..ore..ore intiere de lamentassiòn..
e che ela  la xe una povara vecia..e che Ia xe tanti ani una grama vedova..e che unico sostentemento al vigniva del lavor de la Mariute a Grao..e de comò che 'la farà a vive adesso..e che la caseta spande al colmo e vièn la piova drento e anche i muri xe malmissi..e no xe un omo in casa che possa giutàla..e anche aI orto al xe bandonao..e 'vemo solo dò galine e un cunigio..e la capra no la fà più late perchè la xe vecia..e che cussl..e che colà.. e che desperassiòn Sior, e che comò podaremo a vive adesso che gno figia ha lassao al lavor..e zò a pianze e a desperàsse.
 -
 Bartolomea Maria dita Mariute de Monastèr dopo una zornada passagia in mezo a le lamentasioni de la mare la se ha messo viso-a -viso co' la vecia vedova Marta che gera so mare e vogi sui vogi cussì i ha diìo:

"Senti mare..diman matine bonore iò voi in Paes..e quan che torni..sarà duc sistemat..astu capit?..sarà duc a puest.'e no mi manciara nuie..nuie

 - A l' indomàn verso mezodì un caro tirao da dò manzi se fermeva su la stradeta davanti a la casupola de la Mariute e de so mare..là a  Monastero de Aquileia. Gera un caro pièn de fièn, e là tra 'I fièn gera stravacagia Mariute e in parte de ela gera un sesto co' quatro cunigi e una gabia co sie galine e ligagia de parte gera anche una capra zovene co' le nene piene de late.

Dopo duto quel bendedio..riveva un oltro caro cò tre de iIi sora., e muduni, cupi pel colmo..malta e travi e arnisi de lavor  e scale, gera i muraduri per mete a posto la casa de Mariute..
La mare Marta, la vedova desperagia e pianzota, la resteva comò paralisagia a vèghe 'sto robe.
La resteva senza fiào ne parole.
 "Mare diseva. Maria-Bartolomea. dita Mariute de Monaster..mare..no xe ninte de di..he buo una ereditae a Gravo ma he fato voto che  nissùn..nissùn mai deve savè,  duto questo deve restà..segreto..segreto anche pel confessional de indola che vièn.

E Marta se feva al segno de la crose e Mariute anche..

  A Esse Buni tu ha sempre un ritorno! 

Vogio 'vertì che questa no ze storia certa, se trata de ciacole dite drio le gelosie.