Nuoli
Nuoli che fe sempre zoghi novi
de montagne, de barche
la in riva al mar
epur i ze fati de ninte, solo vapor
che va qua o la
a sigonda del vento.
Nuoli no savé che drento
portè al mio de fiao
e forsi quel de gno pare
che desso ze diventao
odor de un porto o cussa che.
La Scussa
Comò un angelo cagiuo
la verto le ale,
morta sul deserto de la spiagia.
Ma drento la sò anema,
una camera rosa,
se sente 'ncora al mar
che conta de un viaso
che no finisse mai.
Nessun commento:
Posta un commento