i americani de cason

I ne ciameva proprio cussì: ‘mericani. E di che no ‘ndevemo in America, ma li capisso; ili, qui che resteva a Gravo -in Paese, cussì lo ciameveno noltri - i ne vegheva ‘ndà via per mar e i podeva pensà che ‘ndvemo lontan comò in America. Cò son cressuo he capio che i ne toleva in giro e me son mundi rabiao. Ma ‘ndà a cason per noltri fantulini su la prova de la batela gera una gita, tanto vogheva i omini de casa, ma gera musi duri quii che veghevemo e guai a fiatà, te riveva un scapeloto de to mare. Per noltri scuminssieva la Stagion Dopo Pasqua e tu capivi che al ritorno a casa (cason per nol- tri voleva dì casa vera) gera una necessità ma no tanto ben vista da i adulti, perché voleva di ri- tornà a la vita dura che fevemo co geremo là, co dute le scomodità, ma intanto noltri se godevemo al viaso.