la chiesa di s. rocco

Inansi duto San Rocco more e vien fato Santo nel '300 inoltrao quindi la intitolasion al santo no pol esse risalente a 100 ani prima cioè nel '200...prima che al santo adiritura nasessa (*1295).

Sigondo...esiste un documento a Venesia e in copia originale a Gorisia che dise esattamente quando la ciesa xe stagia consacragia. Al documento xe una copia del '700 de un documento più antico risalente alla segonda metà del '500. Al documento xe stao scritto de frate Marco Antonio Lucis custode de la ciesa dopo esse stao custode a San Pietro d'Orio. Al Lucis dize che scavando sotto l'altar per "rifar la mensa" l'ha catao una cassetta co de le reliquie e all'interno gera una pergamena datagia che porta la descrision de l'atto de consacrasion de la ciesa. (Desso no me ricordo esattamente la data ma o xe 1556 o 1576) e a consacrala vien Julius Aegidius Sifchius episcopus Caporoleanus. Cioè Giulio Egidio Soperchio vescovo de Caorle( atension che al Lucis ricopiando al scrive f al posto de l'abreviasion per quindi Sifchius al posto de Soperchius e al ricopia mal anche la data a causa evidentemente de la corrosion de la pergamena original). Al Soperchio xe stao un dei personaggi più importanti del Concilio de Trento e al gera famoso per esse un gran consacrator de oratori e ciese, in perfetta linea co le direttive conciliari. Al documento quindi spiega ben al fatto che la ciesa no xe mai citagia nelle visite pastorali antecedenti a tale data(1512 e 1556). La sala, in origine la gera retangolar e sensa campanil( che xe dute agiunte '800sche) e le finestre gera solo do lunette manieriste, cioè i archi de qui orridi finestruni che xe desso. Perchè la sia stagia efetivamente costruia no se sa anche se se pol ipotizà che servissa un santo novo a cui rivolge la pietà popolar in otemperansa alle disposisiuni conciliari. (S.Rocco gera mundi diffuso a Venesia e in duta Italia, in alternativa a santi che gera ormai massa antichi). Quindi la ciesa la pol esse stagia costruia un o al massimo do ani prima de la consacrasion ma siguramente non nel '200. Virgilio Degrassi invese sostiniva de ve catao soto delle fondamenta paleocristiane ma no esiste nissuna certesaa e indagine stratigrafica a riguardo. Roba curiosa...l'architeto al voleva ghitala zozo per costruì una casa popolar (me ricordo de ve visto anche al progetto...tipo casa tonda ma no la gera tonda). Una curiosità...al Lucis xe stao anche al primo ricercator de documinti de Gravo presso la canceleria de Gravo e al dize che i gera za nel '700 "tutti sfascicoladi e rovinadi da sorzi e umidità" quindi al rogo inglese deve ve fato mundi pochi danni rispeto all'incuria dei aministraturi graisani.  da cristiano meneghel