Ciao, logo de bravure e de paure vinte in zoventù :
TRANPULIN
Solo in mezo al mar
comò un faro tra le ole,
tu cunbati co' sionere,
giasso,buora a anche nevere;
Ma d'istae tu turni a vive,
perchè duti i vien a catate,
'n inpirada là del quadrato,
semo là... dito - fato.
Finalmente in tranpulin,
'ndola fà i tufi più beli,
capriole,bombe a miera
e sta là finchè zè sera.
Quanta zente t'hà sognao
co^ i lezeva al depliant,
quanti i t'hà fotografao
invidiando al graisan.
'Desso, tu son duto roto,
ogni ola te fa mal,
i te hà messo de bando
comò un vecio in ospedal.
Ma 'l lamento al ragia in tera,
tu son un frà che ciama agiuto,
tu hà 'l sudor dei nostri avi,
no volemo 'n oltro luto.
Solo tu e al canpanil
se restai in sto nanbuol,
duto 'l resto zè recordi
che a pensà....fà solo diol.
Nessun commento:
Posta un commento