CALLE TOGNON

 Il Castrum di Grado è stato oggetto qualche tempo fa di serrato processo di ristrutturazione edilizia, qualche volta portata a termine aggiustando con prudenza l' esistente, qualche volta con violenti e pesanti interventi di ricostruzione integrale degli edifici, dipendeva dalla sensibilità di ciascun proprietario.

Questa qua sotto è la visione poetica di due punti di vista di tale sensibilità per una "Ristrutturazione". Descritta da Giovanni "Stiata" Marchesan con la solita arguzia e profonda amarezza di fondo.

Ristrutturazione

Vevo una casa, là in Cale

dò veci loghi, un balaor

ninte de speciale

ma gera al sol...

'Desso al colmo spandeva un poco

gera garghe stiopaura

al tempo veva fato i sò malani.

che volè...ne ze passai de ani.

Vevo ciamao un murador

che vegna a dai un' ociada.

"Quatro cupi, un per de piere cote

e 'na maltada

No gera problemi seri

le case vecie le ze stagne!

Se femo anche al sufito

Pol esse dò giornade de lavor"

Cussì, al mistro, al me veva dito

Ma 'na matina

scuminssiagia co'l pie sbaliao

spostando un almeron

co la schena dura son restao.

-Ahi! questo è il colpo della strega-

sentensia al gno dotor "questo frega"

E via me in ospedal

proprio desso che spetevo al murador

Gera de giustà al colmo le stiopaure..

No stà preocupate pare!

Me ha mandao a dì le gnò creature.

Bravi mamuli!

Pensa a la salute!

Femo governà noltri in cale

giusto comò che tu vol tu!

De la tre giurni torno casa

e la casa...no ze più!

Al  posto de la gno casa vecia

che per me 

la gera megio de un palasso

in alto steva 'na tabela

e in tera ..un mar de rovinasso!

E la casa mia?...sparia...

I fasso me a un che gera là

co una granda machina

e 'l scaveva, 'l scaveva!

Quel barbaro in canotiera...

-Ma che significa 'stà roba?

In malo modo sto qua al me respondeva:

-Ghità zò la casa vecia e fa su la nova!

RISTRUTTURAZIONE se ciama

Ze scrito la su la tabela!-

Bel colpo-fasso me- porcamastela!

E 'desso?

Al colmo de giustà, le stiopaure

i ricordi...al gnò vive..

E la casa mia?..

Bel colpo de la Strega

la gera SPARIA!