Sussiai lisieri de onda,
la su la riva se rompe mile storie,
vissue in tel tempo pena passao.
Ogni riada, ogni sussiao, ogni lagrema
ogni bastiema, ogni dolor, ogni promessa,
ogni preghiera, ogni sussuro
se alza comò spuma salagia la su la riva.
La spuma se ingruma e 'lora nuoli rosa o grigi,
sdiunfi de lagreme,
de gioia o disperae, quele che no
ghitemo mai fora,
ma tignimo, orgoliusi, drentro al cuor.
Sirocchi e maestrali le sburta
e la piova se rimescola denovo col mar.
Torna su la riva l'onda del mar
e libera le nostre mile storie in spuma fina.
E 'l mar sospira pian rasegnao
...'ncora, 'ncora, 'ncora!
Nessun commento:
Posta un commento