'Ndola che 'l aqua dolse la se fà amara
ze quatro dossi de sabion, fango e caneo,
e duto 'ntorno mar e sielo azuro
co' nuoli bianchi sparnissài che vaga a torzio,
e in meso 'l verde e 'l sbrufo de le cane
una caressa fresca: bava lisiera ...
Al sol no 'l se sparagna de 'ste parte,
al bate drito e forte: una brusera ...
ma quando 'l fogo de 'l tramonto 'l se destua
alora duto se queta, se riposa,
e i ragi ciari de la lume che ze in sielo
i 'lumina 'sto fior pusao su 'l mar.
Nessun commento:
Posta un commento