Lunario de Otobre di Giovanni Grigolon "Trombai"

Leto e Fogo

In t'una casa de Gravo vecio
un dì gno nona la m'ha portao,
per fame veghe un sovo logo
comò che i veci i lo ha lassao.

Gera un logo, leto e fogo,
cò la napa e cò 'l fugher,
una banca, tre carieghe,
la scansia e l'armer.

La sinisa e la caina
cò 'l laveso e 'l cugiaron
una tola e 'na mastela
' i do sigi ' e 'l pagion.

Tre ciodi per picatabari,
la porta cò un vecio sartelo,
la lanta cò dò sichignole
un lume e 'na broca e un cain.

Gera un picolo museo
duto quel che gera là,
in quel logo leto e fogo
un'antica realtà.

Che diferensa fra noltri e ili,
che scarsa vita i ha passao,
cò poca roba in quela volta
comò i feva m'he domandao.