Signi Astronomici de la Vecia Bela, in graisan

L’astrologia in passato era un mezzo per rendere religioso l’essere umano.
Inseriva nella sua vita l’accettazione, la comprensione dello stato d’essere delle cose.
Religiosità e spiritualità, miti e credenze: le basi antropologiche per maghi e maghe - "faduni e fadone".
Sperare "oltre" è indispensabile, sono anni difficili.

All' inizio di un nuovo anno, ecco l' elaborato 2016 sulle tracce antiche dei:
 signi e dele stele in dialeto graisan de la vecia Bela - la fadona, 

cercate il vostro segno:

Ariete: Tu son un che deve movese, te piase l' indipendensa, ma serca de finì quel che tu scuminsi. Salute la ze bona ma no profitate de ela. Bivi de meno

Toro: Realista, tenace e posessivo. Un rompibale insoma.
Lentin ma pasiente. Portao al sparagno anche se spende garghe volta bisogna. Difidente e se tu pinsi de ve ragion tu te impunti de bruto. Bona memoria e gran presa sul sesso oposto ma fate mancà la gelosia.

Gemelli: Intrigante e superficiale, tu va poco a fondo su le storie che te riguarda.
Ciacolon che se sconde drio le parole, svelto de testa ma impasiente de cognosse.
Fate i fati tovi garghe volta. Te piase zugà ma, nervoso, te seca co i zoga co tu.

Cancro: Sensibile e emotivo. Tacao a casa tova e a la tò famegia.
Volubile e capricioso, malinconico tu ciacoli massa de tu e dei tovi.
Ambisioso ma no sfrontao, cò bona memoria.
Segno de acqua sogeto a ritension idrica, bivi meno bire.

Leone: Prepotente e te piase esse al centro de l' atension, ma ociù no tu son solo.
Orgoglioso ma no sta crede a duto quel che i te dise. Te piase comandà e organizà e tignite per tu al comando.
Fortunao in amor, ma atento al cuor co tu inveci, no se pol vè duto.

Vergine: Altruista e preciso, te piase finì al lavor anche se al ze complicao.
Te piase criticà i oltri cussì che garghe volta tu irriti le persone che t'ha intorno.
Corretto ma massa duro nei confrunti dell' oltro sesso, molasse un poco te farave ben.
Nervoseto tu ha problemi de digestion, magna più verdura.

Bilancia: Equilibrio e belessa, tu son un vero diplomatico.
Piacevole co i oltri senza pregiudissi, no te piase sta solo.
Te piase i raporti stabili, siguri.  Te piase i soldi, al sucesso ma, per compensà, la salute no ze al massimo e ocio ai rini.

Scorpione: Un bruto carattere. Impulsi emotivi profundi, un mucio de risorse e gran atrassion fisica.
Sensuale e pasionale alla perpetua ricerca de un modo de vive. No tu aceti compromissi e tu son individualista, serca de calmate e condivide de più cò i oltri te stesso.

Sagittario: Esuberante e ottimista, schietto tu disi le robe in viso.
Sportivo e viaggiator, irrequieto e instabile cò l' amor, destinao a esperiense diverse.
Intuitivo e interessao a dute le materie filosofiche per espande la conosensa.
Bona salute generale, ma ocio al figao, bivi de meno.

Capricorno: Riservato, responsabile e affidabile.
Ambisioso cò mundi pasiensa col coragio de programà a la longa.
No te piase l' esibission, te piase cree che al lavoro al paga.
Tu par massa testardo, ma solo perchè tu perseveri co i tovi obietivi.
Tu pol sofrì de doluri ai ossi, reumi, ma no tu te preocupi.

Acquario: Un original, te piase fa le robe solo.
Te piase fate i fati tovi anche se tu capissi i problemi de i oltri.
Tu ha bisogno de esse libero, indipendente ma tacao ai amici.
Te piase lottà per le tove idee e esse altruista per al ben del coletivo.
La salute ze bona a parte garghe pensier co le gambe e la circolassion.

Pesci: Emotivo e sensibile. Un pochetin massa influensabile da cu che te circonda, sia in ben che in mal.
Te par che duti sia buni comò tu e tu son portao al sacrificio pè al prossimo.
Poco competitivo, ma cò senso artistico mundi svilupao. Bona intuission.
La salute la ze un poco vulnerabile, ocio all' emotività tu padaravi finì de l' analista.

ps: non c'è nessuna pretesa di essere precisi nell' individuazione della tipologia dell' individuo         astrale, è un gioco e va preso per tale. 

Sapevatelo!