La storia di Grado, a parte gli avvenimenti importanti (pochi e sempre dolorosi), è condita da fatti piccoli vissuti sempre dal popolino, questa storia, raccontata da Ferruccio Degrassi, spiega del perchè è nata la chiesa di S.Rocco e per rispetto del nostro passato va scritta in graisan:
Cò Gravo 'l ha terminao de esse assalio de i tedischi, paruni de Naquilea, al Castelo al gera restao al sentro de la vita del paese:
picolo, muciao, la case pusae l' una su l' oltra comò a tinisse suso.
Separae in garghe ponto da cale cussì strete che la zente la podeva dasse la man da un barcon a 'l oltro de la strà.
Qua se svolzeva duta la vita del logo, intorno a la ciesa che gera al sovo cuor.
Quel veghese, quel catasse ogni di a favelà, feva in modo che dute le nutissie, anche quele de ninte, passando de boca in boca, le fossa cognossue in t'un lampo da duti, infiorae magari de detagi destinai a trasformasse nel fato prinsipal, danduli a le volte un senso duto diferente da quel che le 'veva in origine.
A la zente i piaseva la ciacola, massime a le femene, le ciacole le gera al sovo passatempo co i omini, in mar co le barche, i le costrinseva a longhe ore de solitae.
Cussì fiuriva le disserie, le legende e perchè no anche le barzelete.
E qua le vigniva conservae, serae anche ele drento le mura, le porte de le quale le se verzeva al son de i "Matini" e le se sereva cò le "Ave Marie" cu che gera drento, gera drento.
Tanta gera la severitae nel fa respetà 'sta usanza che i pescauri de Palù, che la domenega i voleva vinì a Gravo per tempo a sintì la Messa, no i podeva falo per la via che 'l vardian de le porte no le verseva prima de una certa ora.
Per sta ragion i paluanti ì veva fato una petission al Patriarca de Venessia assio che 'l permetessa la costrussion de una picola ciesa fora de le mura.
Cussì nel lontan 1570 e ciapelo ze nata la Ciesa de S.Rocco in "Borgo De Fora"
Nessun commento:
Posta un commento