ALEGHE DE MAR

 “Aleghe de mar” 

Xe comò ‘1 treno su ‘na ferovia
‘sto sirocal, che duto ‘1 porta via. Drento la testa hè miera de restìe,
miera de trini che i còre a sento a ‘1 ora; mìle vaguni co’ mìle e più pensieri: forsi ilusion o forsi sogni viri. 

Nuoli che còre, el sielo quasi nero, l’aria xe scura e la pesa comò ‘1 pionbo. Sora ‘1 sabion, in mezo a mile scusse, ‘na strica scura: xe aleghe de mar... tochi de vite portae de la corente,
vite strassae: le storie de ‘sta zente! 

Aleghe de mar, aleghe de mar ghitae su ‘sta spiagia de ‘sta vita che xe comò un sirocal.
Sémo àleghe de mar, àleghe de mar che ‘1 destin l’à ‘ngrumao 

e no esiste un perchè. 

I nuoli i càge e ‘l sielo ‘1 se rebalta
su le restie che còre su ‘sto mar.
Mar comò un prao co’ i sovi mìle fiuri: miera de àneme che ‘l tenpo l’à fermao. Quando ‘sto zorno, doman, ‘1 sarà finio restarà solo quel che volarà Dio!