A Grado un tempo la via più trafficata era Stralonga la Cub
le donne vecchie e giovani del tempo, sedute sugli scagni, fuori della porta di casa, rigorosamente in nero, tagliavano a fette il prossimo con le ciacole.
Massi "Tachelo" Cicogna nel suo libretto "Le gno do Scale" ne fa una descrizione poetica ed appassionata:
STRALONGA
Tu scuminsivi in Cul de Muro (Campiello della Scala) e tu finivi davanti ala Ciesa dele Grassie; a minsonàte, pareva che no tu finissi mai.
In quela volta tu gerì la più Ionga ma, vardando desso le autostrade che xe per mondo via, tu me par un gogogio che duti vol ghitàlo.
Quii che sa la tova storia desso i sta siti, invesse i podarave sigà ai quatro vinti: «no stè dispressà sta roba, che per vèghela i vien de duto ‘l mondo».
Ma la sova zente i la dispressa, no i capisse de che roba che i xe paruni, de un tesoro che al mondo no l'ha paraguni.
El Signor t'ha fato aposta vissin ala sova ciesa, persìo che duti se incolona a fài festa.
Ogni canton de casa gera un fior, co’ la sova zente che faveleva co’ i oci, gera duto un ino al Signor.
Ma desso i tinpi i xe passai, la zente no la se cognòsse più e duti driti i passa via.
I omini veci no i pol desmentegàsse quanta storia che ha la sova contrada, co’ atimi de contentessa o avilimento, ma contro duto i gera temperai: veci pescauri, sempre col Signor in peto, e co la Madona de Barbana i' veva fato un punto de riferimento.
Aneme semplici e genuine, zè là, missi in casa de ricovero, che speta la sova fine.
Me passo per de là e me par de vègheve che consé le arte.
Me ciapa una strenta al cuor e vien zo do lagreme colde colde.
Massi Tachelo
Nessun commento:
Posta un commento