'ndando via pipando
in mezo del paluo,
vego un suro nuo
'ntel corso..remengando;
un suro dii quii veci,
de arte de cotòn,
se ne cateva a miera
'nà volta intel casòn.
'Nte l'anema, dalongo,
la gaisanitàe vien fora,
comò 'nà vecia zogia,
sconta 'ntel profondo.
Al sangue 'l me và in fiòr
co' quela sensasiòn,
la gaisanitàe zè bava
mota, paluo, batela e casòn;
vol dì anche repàro
de brute sistuassiòn,
ma NO favele "sterili"
ne programa de elessiòn.
La graisanitàe zè vita,
quela de la gno Gravo,
zè un sintimento puro,
'ntel nio ormai 'l zè raro.
Quii che a boca piena
i la ciama SOLUSSION,
zè aneme vilie
che sconde ...."rasegnassiòn"......
TETI
Nessun commento:
Posta un commento