Ecco il Lunario di Salvatore Degrassi:
Magio
Per san Bernardin
xe le lùssiole in zardin.
Festa de la mama
Beato cu che la ha
incora in 'sto mondo qua,
che la veghe e puo la ciama.
E povero quel che l'ha
za 'ndagia al mondo de là,
e che incora più la brama.
*
De rose in sto mese
xe piene le ciese.
*
Le silise xe in svolo
xe in piassa cani e gati
ma co' sti timpi mati
in siel xe sempre nuolo.
Sul stradon d'Aquilea
me se ralegra el cuor
veghendo la marea
dei papàveri in fior.
In fra l'erba dei prai
tra zente che lavora,
papaveri levai
coi cavi russi fora.
Xe za altra atmosfera!
E 'pena che fa aurora
me lesto solto fora
a véghe primavera.
E l'orto in primavera
xe popolao de piti
che va sgrapiando in tera
in serca de vermiti.
3 commenti:
bella poesia ,mi fa' rammentare che sono secoli che non vedo un campo di papaveri!!!!
ciao thor
Mi vengono i brividi a leggere le parole di mio padre........
Nani
Sono contento che ti faccia piacere.
Ciao Ennio
Posta un commento