Ho sempre ritenuto questo spazio Web a disposizione, nei limiti, di chi lo volesse, l' occasione si è presentata molte volte e regolarmente ho proposto idee, scritti video di altri.
Sono contento di poter fare lo stesso con una new entry Mario Corbatto che mi segue e commenta da tempo e oggi mi manda questa sua Poesia.
Grazie a Te Mario.
Ciao Ennio, ormai semo in autuno inoltrao, tempo de scrimisi, calighi,sirocai...
E de qua un pochi de giurni xè 50 ani da quela che xè stagia l'aluvion più bruta, almeno per cu che à i ani che vemo noltri, quela del 4 novembre del '66: Firense, Venessia, Latisana per restà in Friul, e la peso aqua alta qua a Gravo.
Te mando una roba che é scrito garghe ano fa;
Per intanto, stame ben
ciao Mario Corbatto
Aqua granda
Per duta la note
forte veva sufiào al siroco,
cò sighi che feva paura,
e piova tanta, comò prima
no se veva mai sintìo.
Dopo, 'pena fato ciaro,
al mar, passào i moli,
al veva coverto al paese.
Ma per noltri mamuli
gera comò una festa:
no ne pareva vero
de 'ndà per strada
cò l'aqua 'pena soto i genugi,
e vevemo sparagnào
anche un giorno de scuola.
Ma ristìe grande comò case
e nuoli niri duto intorno
i feva savè che al maltempo
finìo no'l gera ancora.
Soto sera al vento
al veva girào
e l'aqua finalmente
la veva scuminsiào a calà.
E cò l'aqua anche la paura.
Intaldoman i signi:
sabion e aleghe perduto,
tochi de repari portai via,
spiage devastae piene de ligni.
I grandi, sconsolai,
i vardeva i malani.
Dicembre 2008
Nessun commento:
Posta un commento