Tra gli ospiti illustri che hanno frequentato Grado, pare ci sia stato anche Napoleone che, dopo la firma del trattato di Campoformido, ha fatto un giro delle sue nuove proprietà, ma lasciamo al racconto di Giovanni Marchesan "Stiata" l'onere di raccontare l'esperienza dell'Imperatore:
Cò al ze vignuo a catane, dopo ve zarnao cò boreto de ronbo, Napoleon l'ha domandao de fa do passi per digerì, cussì i lo ha portao a veghe al mar.
Ma ze stagia la nostra Laguna a inpressionalo. - Merveilleux! - plus bela de quela de Venise..
in parte al veva un che ciacoleva comò un libro stanpao e al conteva de la storia de la Laguna e Napoleon -..Interessant tres interessant..- fin che al libro stanpao no al ze rivao a le proprietà del sabion, bon medicamento contro i doluri de ossi.
Napoleon, senpre tento a stì discursi l'ha dito -Sabia salata contro le reuma?, io ho mano che me diol e no me lassa lavorà co la spada..- nissun veva coragio de dili che al tratamento de quel giorno podeva no bastà, ma fato sta che i ha ciamao al Capo bagnin de stabilimento de la Mugia, gera la a l'epoca la spiagia, e i mete al brasso soto sabion per un vinti minuti.
Finio, lavao co acqua de mar colda i pareva za de sta megio!
L'ha spetao che la sova guarnigion la se sistemessa e via elo!
Adieu! l'ha dito. Mai più visto!
L'anno era il 1797 il 13 dicembre, una giornata fredda e rigida cussì comò fredda e rigida ze sempre restagia la man de Napoleon, chè nissun veva vuo coragio de dili che bisogneva spetà luglio per fa la sabiatura.
Per quel co lo se veghe ne le foto ufficiali al ze sempre co la man dentro al capoto,le sabiature fora stagion le fa mal!
Duto questo no ze storia certa!
2 commenti:
invesse de meteli la man soto al sabion ,i doveva mitili la testa .
Forsi, se al se fermèva a Gravo, al varàve messo a posto un poche de robe...........!!!!!!
Posta un commento