Per il lunario aprile ho scelto una canzoncina teatrale di Giovanni (Stiata) Marchesan, il tema è sempre attuale:
Caciator de cale
Eli ili...
Beli...quili...
La boca senpre in rie
I vogi furbi
Ma c'un fa de 'ndormensai.
Corcai?...No de siguro!
Calcolatrice in scarselin
Rodolagia sotobrasso
'Na Mappa-Catastale
Telefonin 'npicao su la sintura.
Mistier: Caciator de Cale
Cavalier sensa macia ni premura
Quili
I te saluda senpre volentieri
I te ofre anche 'l bicer
-Viva ! ..Comò ze!...Tu son san?..
Senpre prunti a fa un piasser
Per 'na firma...pena in man!
-Comò sta la to' famegia
Duto a posto?-
Ili si ...che se preocupa de tu!
E fra un descorso de salute
E un oltro de Palù...
I te vien fora: - Sinti Nane...
Ma to' pare, no 'l veva una casa
La in "Piasseta"...
Si la...in Campielo Tonegasso
CHE PECAO
Veghe qui muri 'bandonai
a la vignarave fora un palasso
-Ma se ze do busi- fasso me-
DO BUSI! - Fa quili
-A la, se pol fa.. se pol 've
OLTROCHE'
Se beve 'ncora un goto
Se favela del tenpo
De le sepe che stenta vinì in tera
De la tenpesta de stanote
De la stranba primavera.
E puo danovo quili:
Sinti Nane...
Quel tò barba che steva rente 'l porto
Un omo de la lege...
Ma 'l ze ricoverao o al ze morto...
E... quela casa
Che 'l veva là in androna?
Però che brava persona... bona..
Buni quili...
Beli... quili...
La boca senpre in rie
I vogi furbi
Ma c'un fa de 'ndormensai...
Corcai?... no de siguro...
Quili semai... falchi
Falchi de "Culdemuro"!
Nessun commento:
Posta un commento