Magnolie te salutant
la foto è un' elaborazione di un' immagine di Vinicio Patruno.
Il testo è un inedito di Giovanni "Stiata" Marchesan che trent' anni fa lo aveva dedicato al Vial ai cui venivano tolti gli alberi precedenti per sostituirli con le magnolie, che se ne sono andate oggi;
un corso e ricorso storico, visto con gli occhi attenti e ironici del nostro Giovanni, in cui qualcuno di noi può ritrovare i momenti della sua giovinezza:
Vial..Vial..Vial!
Ma che xe 'sto vial..vial
Xe gargossa che val..val
'na magia se sente
caminando pel vial!
Al vial xe 'na roba
del duto speciale
-E' sempre di moda
andar per il viale.
Xe siuri qui viri
e siuri per finta
signore per bene
ragazzi di vita
graisani 'nportanti
o solo che i par
sentai ben in vista
la fora de i bar.
Excelsior, Pancera
locai pel gelato
le banke 'l serifo
un supermercato.
Tabacchi e profumi
conchiglie, pelame
e quando fa sera
xe duto 'n bailame..
se un mamolo in bici
al fa confusion
la riva 'na guardia
lo porta in person!
'Na mamola seria
la passa bonora
la speta 'l moroso
che in Adria lavora.
po elo i fa segno
servindo un amaro
-doman se veghemo
a là sul reparo.
e riva 'na vecia
ma che xe de mal
anche ela vol fasse
un giro pel vial!
I alburi veci
i feva umbria
ma co tu son vecio
i te mete via.
Co foge de nailo,
maniolie i ha messo,
sarà anche belo..
ma al vial no xe 'l stesso.
Un toco de Gravo
i ha fato murì
al vial a l' antica
doveva sparì..
Al vial xe una roba
del duto speciale
no xe Portanova
e nianche le cale
de dute le rasse
de duti i paisi
i vien remenasse
in vial in tre misi
Xe 'l centro de Gravo
co xe la stagion,
ma po co fa inverno
xe un oltra canson!
1 commento:
Stiata 'l xe "unico"
Posta un commento