Giovanni Marchesan "Stiata", quasi fosse un antropologo, ha scolpito con le parole le figure assolutamente originali e centrate della nostra umanità gradese.
In questo piccolo saggio, dà la visione di quella che è l' immagine ancestrale dell' uomo gradese:
L' homo paluantes
Ara qua noltri de 'ste lagune, inverni umidi e lunghi, caligo che te va drento i ossi, paese svodo.. 'vilio? No! no cedemo!
Un goto de vin comò medicamento e se tiremo sù, 'ndemo 'vanti!
Un goto de vin comò medicamento e se tiremo sù, 'ndemo 'vanti!
Po', te riva l' istae co' la brusera, i foresti, al sol che te bate su i sintiminti, i mossati, le aleghe.
Un goto de vin e "La Vita continua" como che diseva quel film!
"L'uomo è un animale dotato di intellighenzia noi siamo il cosidetto "HOMO SAPIENS" :
L'omo de la sapienzia e magnevemo gransi in fogo, incuo magnemo polastri solo se i xe rusti però!
Geri viveveno in t'un cason e durmiveno per tera.
"Oggi, letto alla francese con materasso Spermaflex e villetta in zona residenziale'!
e sì cussì va 'l mondo perchè quà ne ''L 'Isoladelsole" no' vinse "l' omosapiens" no!
Qua vinse l'isola e no' ha valso ne i punti ne le strae che ne liga a 'l mondo.!
No ha valso nianche le sento rasse che se ha casao a qua co' 'l tenpo... No ha valso ne ostrogoti, ne furlani, ne tudischi, ne taliani no ha valso ne la prima ne le ultime guere.
Ninte e nissun ha valso qua!
Palù gera e palù resta qua intorno e un poco anche qua drento forsi.
Cu che se stabilisse a qua, in questa isola, poco a la volta perde le so' abitudini, al so' modo de vive, de esse.
Cù che loga a qua, se trasforma pianpian de "Homo Sapiens" a "Homo paluantes"
Si. signori!! Omo de la palude "nel bene ma sopratutto nel male!"-
No' savaravo dì se xe 'l sol, al salso o 'l sabion che rispiremo o se xe 'l palu co' i so' miasmi.
Me no'savaravo dì, ma par che drento qua de le nostre teste i seculi sia passai per ninte e che 'l tenpo de Atila, de Francescogiusepe al tenpo del duce o quel de Pipo Baudo sia duto un, sia duto un ninte.
Par che al tenpo a qua no' lassa segno.
Ma xe un ben o xe un mal questo?
Cu pol dilo...cu pol giudicà me 'i ragiono sora ma no'son un 'strologo!
''L'Homo Paluantes è un mistero anzi un dogma e contro i dogmi non si puo!
Per decifrare l'Homo sapiens sono bastati gli antropologhi ma l'Homo paluantes è fuori da ogni schema conosciuto.
E no'xe sienzia ne marchingegno che ne possa inquadrà!
Quando i oltri umani veghe bianco, per noltri xe duto nero.
Cò vol costruio gargossa, xe 'l momento che noltri disfemo e co se trata de esse insieme e 'frontà. no' semo mai prisinti però se se trata de sigà sighemo!
Ma ne'l posto sbaliao!
Un Umano, se al xe de fora, al xe senpre bravo, capace, bon e perfin belo -
E per dili can! a un paesan, semo senpre prunti ma se xe de riconiusili gargossa de bon che l'ha fato mai mai!
Homo Paluantes, gargun dise che semo de un'oltro pianeta...
si! del pianeta sconosciuto chiamato PA-LU-DE - PALU'.
me digo che i scrive 'ste robe per insenpià la zente!
Nessun commento:
Posta un commento