Tempo triste, i Santi e i Morti una mia vecchia poesia per il tema del Lunario:
Te vevo perso Cristo.
Te serchevo
in cese iluminàe,
sora de altari ornai
de otuni lusenti,
de tovagie ricamae
nasando profumi
de fiuri e de incensi.
No t'é catao!
T'é sercào anche
in cese pìcole, bandonàe
sensa fiuri, ne ori, ne lumi
nasando oduri de mufe
de timpi passài.
No t'é catao!
Un cameron de un ospissio
scuro, adobao de tristessa.
In un leto de fero
un muceto de ossi infagotao,
do oci persi in un volo de ricordi,
'na vose, quasi un sangiosso:
- Tu son qua?
E' bagnao do lavri sichi,
è caressao un viso intrapolao;
cavili suai, color del grasso.
- Si, son qua cò tù!...
Co 'na man de cera n'te la mia
al sa, contento, indormensao.
Ancora son tornao e ancora e ancora.
Finalmente, Cristo, te vevo catao!
3 commenti:
Una de le più bele che t'hà fato....bellissima
Cô se 'riva a tirà fora e a dî i propi sintiminti 'l duto diventa una magia e, in 'sto caso, una perla.
Veramente profonda.
Spero che venga letta (e capita) da tanti che si professano cristiani.
Posta un commento