Il Lunario di Novembre lo dedico al ricordo di mia mamma, Fidalma:
cussà se l'ha catao capelonghe in sielo?
Te vevo perso Cristo.
Te serchevo
in cese iluminàe,
sora de altari ornai
de otuni lusenti,
de tovagie ricamae
nasando profumi
de fiuri e de incensi.
No t' he catao!
T' he sercào anche
in cese pìcole, bandonàe
sensa fiuri, ne ori, ne lumi
nasando oduri de mufe
de timpi passài.
No t' he catao!
Un cameron de un ospissio
scuro, adobao de tristessa.
In un leto de fero
un muceto de ossi infagotao,
do oci persi in un volo de ricordi,
'na vose, quasi un sangiosso:
- Tu son qua?
E' bagnao do lavri sichi,
è caressao un viso intrapolao;
cavili suai, color del grasso.
- Si, son qua cò tù!...
Co 'na man de cera 'n'te la mia
la s' ha, contenta, indormensao.
Ancora son tornao e ancora e ancora.
Finalmente, Cristo,te vevo catao!
6 commenti:
Grassie Enio, 'sta qua la zè 'nà maravegia, la rilezo e rilezo mundi volentieri e senpre me vien i brividi.
Anche a me la me piase mundi.
Spero che la fassa riflete in sti giurni,che duti se ricorda del parentao defonto pe' desmentegalo dalongo dopo, almeno pe' un ano o se va ben fin a Nadal.
No' basta pregà, bisogna tocà co' man al mal e al dolor pe' capì (o almeno sercà de capì).
Perchè se se pensa che basta portà do fiuri e fa la caminada in simisterio al giorno dei Santi o dei Morti, podemo sens'oltro a dì:
Cristo, no t'he catao!
Ma no' lo vemo gnanche sercao ...
Te vego de note
vagâ pe’ i gno sogni…
Torno ‘l fantulín
che’l sercheva so’ mâre.
E tu tu me vardi
coi vogi tristi,
e tu me mostri col deo
i tovi fiuri ‘passii.
Per fâme capî
de vignî a catâte
piú de spesso
in quel logo
che xe casa tova.
De no’ ‘vê timor
del silensio
de le lapide,
dei cipressi
e dei lumini.
Perché una mâre
la resta senpre una mâre
anche cô no’ la xe piú.
Mundi bela anche questa, grassie ....
Ze un pecao restà anonimi e esprime sintiminti del genere. Ze comò 'vè le ale e no volè volà.
almeno un nome proprio.
Hai ragione Ennio.
Scusa.
Posta un commento