...continua:
Duto quel che 'l domandeva Nane Scarpena gera: un bel fogo vivo, un scheo de ogio, sal grosso e "bevanda" per inumidisse i gargati.
-Basta che 'l pesse sia fresco...al resto me rangio me! -
Gera al sò moto e l' inventeva al modo de cusinalo volta per volta, sigondo al geio che 'l veva quel zorno e sigondo quel che 'l cateva in cusina.
Al gera ciamao "Re de la sardela in savor...Principe de'l morelo de bisato su le bronse e cognossuo anche comò mago de i gransipori in fogo e capelonghe a scotadeo..."
Ocio dismissiao e man svelta, al cusineva e 'l canteva, cò elo gera 'liegria ne le feste e sempre bon magnà.
Eco cu che gera Giovanni Angelo Burchio, graisan de Gravo -Classe di ferro 1743.
Cussì, quando Napoleone che 'l steva a Vila Manin al veva domandao:
"Di vedere quell' Isola dove non era mai giunto" e là magari magnà un poco de pese fresco, a Gravo i ha pensao dalongo a Nane Scarpena:
De dito al fato al ze stao ciamao a Palasso e 'visao che a tal zorno, no 'l veva de 'ndà a fossina, perchè tal zorno al varave de cusinà un poco de pesse per quatro-cinque de ili, compreso al General Bonaparte.
-Va ben - al veva risposto Nane comò sempre disponibile - "basta che al pesse sia fresco... al resto me rangio me!"
Continua...
1 commento:
Il bello è che riesco a capire il dialetto: una soddisfazione! Ma non credo che i miei figli capirebbero... sic transit gloria mundi.
Posta un commento