Continuo con i quadretti scritti da Massimiliano Cicogna nel suo "Le gno do Scale".
Quadri di una Grado di altri tempi "cò i mamuli in strada" tutto il giorno e una fame talmente grande da non avere ne capo ne coda, fame che faceva diventare tutti audaci, pronti ad ogni impresa.
Una Grado innocente e vera descritta con grande passione ed amore:
L'amia Gigia la steva vissin dela botega de Jacu, ma la veva un boteghin de fruti sul canton del forno de Camufo.
Gera un toco de femena, l'amia Gigia, me par de vèghela.
A l'inverno la cusineva i maruni e i mili in tela fersora
Noltri, co feva mundi fredo, stevémo col naso mastrussao sule lastre a vardà 'sto fumo, anche dele mese ore.
Voltri no creare, ma se veghe che 'i fevemo passion e ogni tanto la ne ciameva drento e la ne deva un toco de melo coto e un giosso de polvere de fighi, sarave stao i avansi dela casseta.
Ela 'i piaseva mundi zugà a tombola, e un giorno che la gera ’ndagia a zugà comò che la gera via, noltri, 'i verno sconto la fersora e, scunti drio al canton, stevemo a spetà che la venissa a vèrze la botega.
Comò che la gira al canton, no la se veghe più la fersora e la taca urla come una mata.
Noltri rieveno de ghitàsse via la pansa.
Me me fasso coragio, vago vissin e digo: «che vè, amia Gigia, che se duta in vagasion» e ela, desperagia, «i m'ha portao via la fersora, Massi!
Cu sarà stai quii mascalsuni». e me, fassia tosta: «povereta, che me dè se ve la cato»?
E la la me dise: «tre lire, un pochi de fruti pe portà a casa e a tu al melo coto duto l'inverno»!
E me pensieroso: « vegarè che prima de sera varè la vostra fersora!».
Coro drio ‘l canton e 'i digo questo ai mamuli.
Angelo ‘l me dise de portàlgia dalongo e me, furbo, 'i digo de spetà un poco o la se insospetisse. Do ore dopo ’i portemo la fersora, la ne dà quel che la ne veva promesso e se spartimo
Però a me la me veva promesso al melo coto e ogni giorno ’ndevo a tómelo.
'Sta roba qua la dureva da diversi giurni e qualche mamolo, ciapao de l’invidia, el xe 'ndao a contài duto a l’amia Gigia.
Me, che non savevo ninte, al giorno dopo vago per tóme al melo e, comò che 'i sporso la man per tò ‘l melo, la me dà co’ le molete sule pupule dei dii.
Hè sintio un dolor che hè visto le stele e 'i sigo: «che ve ciapa, bruta furlana?».
E la taca urlà: «va via de qua, bruto musser, o ciamo le guardie!».
Adesso xe sequestri de persone, in quela volta de fersore.
Nessun commento:
Posta un commento