Leto e Fogo
In t'una casa de Gravo vecio
un dì gno nona la m'ha portao,
per fame veghe un sovo logo
comò che i veci i lo ha lassao.
Gera un logo, leto e fogo,
cò la napa e cò 'l fugher,
una banca, tre carieghe,
la scansia e l'armer.
La sinisa e la caina
cò 'l laveso e 'l cugiaron
una tola e 'na mastela
' i do sigi ' e 'l pagion.
Tre ciodi per picatabari,
la porta cò un vecio sartelo,
la lanta cò dò sichignole
un lume e 'na broca e un cain.
Gera un picolo museo
duto quel che gera là,
in quel logo leto e fogo
un'antica realtà.
Che diferensa fra noltri e ili,
che scarsa vita i ha passao,
cò poca roba in quela volta
comò i feva m'he domandao.
Lunario de Otobre di Giovanni Grigolon "Trombai"
3 commenti:
...mitico Giovani "Trombai" !!!
Se pol savè in che ano l'a' scrito
'ste rime ???
Me dispiase Aldo, Giovani al me veva lassao copie de una 50 de scriti sovi e me li è publicai in vari modi anche sul blog (vedi iussu) ma no i ha data.
Ciao Enio
Cussa se gravo sfornerà ultri personagi/poeti de questo stampo.
bele queste vece foto.
ciao thor
Posta un commento