Con questo capitolo della giornata Napoleonica a Grado il 13 dicembre 1797 lasciamo Nenè Scarpenà (a la francese) e troviamo un nuovo personaggio Mariute de Monaster, una ragazza di Nanquilea "fatutto" del Palasso che dovrà occuparsi del Grande Generale.
Nane Scarpena dopo i compliminti del General, i ha dito, ma no son siguro che l' ebbia capio:
No solo 'l boreto ze un bon magnà, anche oltri piassiri al te fà, cussì canteva gno nono Elia:
"pevere...pevere... sal e aseo
'bondante agio.. agio brusao
... e de le femene in leto
tu sarà
tusarà cocolao!
Delà un poco l' Attendente Dellemaigne al se fa capì col paron de casa che Napolion, col magneva ben, dopo, al veva bisogno de riposasse un' oreta, de fa un sonelin, insoma quel che a Gravo se dize " fà un posso".
La stanza dei ospiti la gera sempre pronta, ma per sicuressa, la parona la mandao a dai un' ociada la zovene "fatutto" che i veva in casa.
Se trateva de Maria-Bartolomea dita Mariute de Monaster una fantatis ben messa de Nanquilea che là in casa la feva un poco de duto de quel che ocoreva.
"duc a puest...duc a puest al cadin co l' aghe fresche, al orinal sot al liet" - cussì diseva Mariute, che la faveleva per furlan che pò diseva garghedun sumigeva al francese de quii ospiti che i veva in casa.
Giusto quando al campanil del Domo bateva le dò del dopopranso, Napoleon compagnao del paron de casa e da quel che no mancheva mai "il suo attendente" se ritireva in quela camara.
L' Attendente Dellemaigne no se moveva, steva là a guardia del so paron, cu lo moveva a quel!
Intanto in camara Napolion cò indosso una specie de flaida bianca trapuntagia in oro, al se comodeva in leto pe' al sovo pisoloto.
Elo, al General Imperator Napoleone al dopopranso, no'l se stravacheva del duto sul leto, ma al se meteva al cussin soto la schena... cussì al reposeva squasi sentao, perchè cussì veva sugerio al sovo dotor.
"Per digerire meglio Mon Gran General", cuss' i gera stao dito e cussì al feva, cussin soto la schena e stando mezo sentao, via elo pe'l pisoloto pomeridiano -"Faire petit somme"...
Ma quel dopopranso là, su quel leto col baldachin, pur se mezo sentao Napolion proprio nol cateva posso, insoma, no'l ciapeva sono per ninte, invesse de indormensasse i vigniva su dei caluri, dei stimuli che no veva ninte a che fa co la gastrite cronica che l' veva.
Gera stimuli, caluri no sul stomego o verso l' intestino, gera stimuli e caluri più zo de le buele, più zo de le vissere...più zo!
Continua...
1 commento:
Anche la suspance! Di cosa si tratterà mai?
Posta un commento